個個讚我乖

話說之前參加咗一個叫成長嚮導計劃，咁我就有咗兩個囡囡啦，今日我發咗短訊比佢哋問下佢哋考試成績點呀、諸如此類，一個就比番個短訊我，另一個就好有趣！兩分鐘內回電比我好兇就問我係邊位 ( 虛擬內容：「你是邊Ｘ個？我Ｘ你老母...............」，呢個係當時佢比我嘅感覺 )，不過當我話比佢聽我是誰之後，她的態度立刻作出一個180度的轉變，聲音變得好像一個小女孩向父親「炸嬌」一樣，我心想死妹丁係老鬼面前扮乖、呢啲招我都識！不過佢扮乖至小都係一種尊重老鬼嘅表現，自己又感到幾高興！我渴望自己真的可以伴着她們一起成長。

另外昨天又為了這個計劃和大人一起上了兩個半小時的培訓課程，目的是教導我們如何和現在的少年人溝通，課程以一些遊戲和分享進行，又認識了一些新朋友包括了學校的導師、社工還有其他嚮導。我發現了培訓師用了許多NLP的技巧，其中又混用了 satir 的生存姿態作一個學習的遊戲。又在這個時候我內裏的自大又來了，馬上有一個心念呢啲野我全部都識，我假假地都係一個 NLP trainer ！

幸好又無人發現我呢種自大，不過我都係應該學習虛心一點，否則地獄便會敗在他的宿命裏。

昨天真是一個好好的體驗，有趣有趣。

另外有一個開心的發現就是現在仍然有許多有心人願意花心機和時間去關心我們的新一代，我在這裏向他們致敬。


20071209