酒控人

上兩個星期，一年一聚既高人 uncle 開局比小酒鬼們

單係呢個排場已經嚇親人，但呢度只係一部份，還有勁量白、TBA、Aszu Essencia 96還有VSOP、whisky等等等！跟據老鬼手上既葡萄酒隨身寶典所講：Aszu Essencia 甜度約在 7個 puttony 上下，不過好快又有人話最多得 6 puttony！老鬼自問真係識得小，幾多個 puttony 都好，最重要係好飲，對不對！？

神の水滴！

當日自以為好小心咁飲但中場飲咗幾口VSOP之後已經斷片真係失禮，講好多野係醉酒之後係好正常既行為黎架，朋友還發現老鬼有個特徵就係狂拿人地部相機幫人影相，真係醜死鬼，唔係人控酒而係酒控人！

好在都記得有女百爵，佢身價大約20英磅、唔係好貴但就嬴當日好些大酒，飲酒既樂趣莫過於此。飲酒，其實真係平有平飲貴有貴飲，最重要的是飲得開心，更加無須要吓吓都拿大酒來兇人(呢句係聽咗一友人的經歷有感而發，佢話佢之前好些朋友便是每每都拿枝大酒兇人，睇人唔起又以為別人無錢買飲唔起)，要知道香港地有幾多高人都係好富貴架，還有好多高人飲酒係無須付款架，大把人爭住送靚酒比佢地飲。還有一個朋友仔對老鬼講：「識得向個酒櫃揾枝好酒唔叻，可以向芸芸眾酒中簡到枝好野先叫勁！」老鬼非常認同。

以老鬼既愚見飲酒還是忠於自己既感覺好，就好以神水其中一集所講，1855年既排位在今日會唔會無變先！？再者呢個世界有好多唔同地方唔同既酒都係好好飲架，開放自己探索更多發現更多，別人話好好飲既酒唔等於自己覺得好飲，因為呢絛三寸之舌係自己既、呢個味覺都係屬於自己既，別人的見解可以參考但不要盡信。呱

你精我都精，飲杯竹葉青，老人家又想起小鬼時偷飲的竹葉青，都係好好飲架 XD