馬交食食食

上回澳門珠海遊全完無遊澳門，今次一於向澳門食食食食：

朋友既朋友既食府，點都要會一會

大人同老鬼好愛既舊野，九蚊豬排包一啲都唔失禮

未食過！要試

結果係可以買架

有啲腳仔軟，又坐茶記，官也街沛記

辣魚包同奶茶

呢件乃係鎮店三寶：合桃；提子；激仔之中既合桃，實在老鬼係想試吓乜叫激仔？佢都好有style架！真係正正四點半先有得賣，啲人一買買幾件一打咁架，好食唔好食就見仁見智啦。

去到呢頭無理由唔食番個葡撻架？

今次終於向大利來買到個豬排包了！double 價錢唔等於 double 好食，馬交好多賣豬包既地方都好食過佢！

之前唔洗排隊既晃記依家要排隊，真係唔該曬你啦，小小蘇。

晚上

未停過口的老鬼同大人只叫了：

水蟹粥，可以啦，有水蟹味囉。

雲吞撈，麵係竹昇麵，老鬼認為琛仔水準一般但比起肥仔文就高幾班了

第二朝，酒店 food court 咁多間都唔簡，食小籠包中了伏！

中午：時運

炭燒豬

燒沙甸，服務員話細條醒多條

叫咗一個餐又醒多一杯雪糕！
呀妹同佢啲朋友之前食燒豬仔話好好食，早知道就前一晚同呀妹佢地一齊食燒豬仔啦！
時運燒豬仔晚上六點後先有得食，其他燒乜燒物就中午有得食。

後記：也許老鬼係死港仔，始終都覺得香港美食係強啲！不過時運下次可以再去