打壞後生

當年的小鬼也曾經比個呀值咁話過自己，文又唔得武又唔得真係有啲羞家，但當年的小鬼也是一個有理想的少年人，雖然有些理想未能實現但有些經過一番努力也如願已嚐！

粉條中三之後未能升學，嘗試過做車房結果做了半天在中午午飯時間逃工；又想過做髮型師因為看到朋友做洗頭工作至手爛便放棄了這個想法，之後一直呆在家中打機上網、食同瞓！過了三年呢種生活直到現在。點解咁呀？粉條回答：「辛苦囉、唔想做野，做野太辛苦啦！」老鬼在想佢父母咁本事可以養佢過世？如果呀爸呀媽早死過自己點算呢？跟佢地一齊走！？

老鬼未睇完呢節節目已想用海虎爆破拳打破佢個頭，之不過有一件事老鬼很佩服粉條就係佢夠 pop 比電視台採訪佢又夠 pop 咁講！留意番粉條上鏡係以真面目視人架、無打格仔、聲音亦無經過處理架！堅唔堅！？相信有許多年青人好似粉條咁，人生無目標無理想、怕辛苦、希望可以不勞而獲！也許又有許多人唔識寫個「醜」字又或者唔記得個醜字點寫，不妨响處重溫一吓個「醜」字點寫點查：醜從酉字部首、十七劃，記得個醜字點寫就可以知醜啦！

粉條事件簿相信只是冰山一角！這究竟是教育制度問題；教師問題；家長問題；朋輩問題；社會問題還是個人選擇問題？老鬼不知道！老鬼只知道等價交換呢條公式：一分耕耘一分收獲、今日所種便是明日的果。

讀唔讀得成書並不是一個問題，問題是每一個人也要為自己負責，年青，有許多時間可以浪費但又可以有多小個年頭？