感知位置平衡法

即係乜野，網名嚟即！在身心語言程式學 (NLP) 的一種技巧又或者可以叫做一種方法，咁即係乜先！？簡單啲嚟講可以叫「感同身受」又或者叫「同理心」，靠來做乜有乜用先？有用既時候係好有架，可以提升個人EQ，可以係一種修維。咁即係….. ？打個比喻：許多時候人與人之間小不免會有爭吵，新聞報章也很容易看到初則口角繼而動武的報導，這樣的情況發生兩個都係輸家，第一輸，輸個「和」；第二輸，輸個身 (身體發膚受之父母，不敢毁傷) ；第三輸，輸個心！如個大家都懂得同理心可以思考一吓對方立場，就可以明白、尊重同一事情上不同的意見、立場取向。
現實生活裏面，同一件事情往往有許多不同的意見與聲音，好似老鬼喜歡看肥師父的漫畫；大人就話咁大個人重睇呢啲書！日本人對於漫畫好似神咁拜，呢個行業向日本呢個地方造就咗幾生產、養活咗幾多人！好簡單的一件事都出現咗三個角度。咁同理心令到自己明白到別人、EQ多咗、修維高咗，再者可以令到自己心清明咗！點解咁講？
係太太太太太師父講過囉，佢成日教人將心比己囉。又用番爭吵做一個例子，當一個人以同理心明白到對方立場時，便會懂得放下；懂得放下便小了生氣；小了生氣心就清明。清明的心就看到事物既實相，相反激動的心靈最容易做出錯誤的决定。
講就得，做就…. ，所以老鬼形容呢種係一種個人修維，知道但不容易做，慢慢學，只要願意一定學得識，練習多啲自然得心應手，一齊練吓呢門功夫吖，練好咗呢門功夫包一生受用。



後記：老鬼果真懂得地獄戰神！連寫 blog 都可以自問自答！？嗯.....