般若，梵文意譯「智慧、知識」。「波羅蜜多」，意譯「能勝了知，能達彼岸，圓滿完成，度脫苦卮」。 哲道行者，也許有點浮誇、有點膚淺、非常地獄，但也是一種哲學。

無寫 blog 又一段時間了，全因為一個懶字！ 小時候到現在有許多想法改變了，從前不會覺得自己是一個幸福和幸運的人，論外貌身材家世錢財全部都無，在屋村長大現在仍然住在屋村裡面。 也正正在屋村長大經歴了那些年，生活從無變有，小時候有眾多兄姊也有許多玩伴不似得現今的孩子。由家中沒有電視機之後有黑白電視再到彩色電視；由無錄影機到有錄影機到 laser disk 再 DVD 到 blue ray ；由無收音機到卡式帶到有 hifi ( 聽黑膠唱片果種 ) 再到 CD ；從無電腦時代到差不多全港家庭也差不多有的時代；又傳呼機到步步通 ( 很久以前只能打出不能打入的電話 ) 到手機三強即 nokia, 摩拓羅拉，愛立信，再進入智能電話的世代，一切從零開始，從無到有是一件何等令人快樂的事情！ 讀書時代也是遊戲遊戲同遊戲不似現在的小朋友讀書以外還要補習還有數不清的課外學習與活動！到現在仍記得在班房放炮仗、逃學去飲咖啡打保齡，暑期工也可以一班同學一起做等等的快樂事情。 生於一個美好時代是一種幸運，平凡但幸福，老鬼可以講係乜都無也可以說是甚麼也擁有，有大人已勝過腰錢萬貫，又有兩個乖孫；兄弟姊妹和睦，朋友的數目有增加無減，身體雖有小毛病但大至也算健康。 生在福地是一種福氣，無饑荒無戰亂，文明而且自由，試想像一下地球村內有那一個地方政府比錢搞電台而這個電台拿取既係政府既資源但卻可以不停咁挖苦同醜化自己既政府，老鬼生活既地方就可以了，這不是言論自由嗎！？敬言既克制卻比批評為過份暴力，若果相比那些所謂自由國家，流血已經是幸運的事情，不看遠的看近的，未證實有罪已命喪黄泉了 …. ！然而小香江確有許多不足之處須要改善但試問世上有那有烏托邦呢？ 可惜的是這種隨手便得來的福氣許多人不懂得珍惜，將「自我」擴張到無限大！小時候學到切身處地既想法到今時今日好似無人識咁 …. ！世界無改變過，變既係人心，記得當天老爸既教導小鬼點待人接物，但今天 … ，記得有一年春節在超市買禮品看到一對母子，兒子當時挑選一份禮品送給親友時，母親卻對兒子記：「又唔係自己食唔洗買咁靚啦 … 」老鬼那時心打咗個突，想做份厚多士！ 小朋友唔識可以理解可以教，但那些棍真的令人痛恨！不斷分化社會唯恐天下不亂 … ！當日老鬼暗笑小日本小台灣，但今天的小香江已經笑不出來了！ ...

文章日期：01/22/2013 12:34 am 不知不覺又過了一年！ 哥哥教當年的小鬼：先知先覺；後知後覺；不知不覺 先知就是早有覺知明白和理解，聰明人也，早著先機 後知自然就是資質比較遲鈍，往往失去先機，慶幸的是仍然知道發生了甚麼事情 最大鍋係不知不覺，完全唔知發生咗セ事！ 老鬼好似不知不覺咁過咗好多個年月，後生真係唔好學！少壯不努力真係老大徒傷悲 睇事物唔好只用眼精要用心眼，真理之前往往只係假象

老鬼：聰明的人多還是蠢的人多？ 大人：蠢的多 老鬼：所謂的民主自由就的小數服從多數，那麼一個聰明人便要聽從一千個蠢人的愚見！這樣對一個地方是好還是壞？ 大人：............！ 有一個地方有鼠患，一些所謂聰明的大多數引入了貂，好像很合理的時情因為貂會把鼠吃掉，但原來忘記了鼠是夜間活動的勳物而貂是日間活動的動物，結果鼠患沒有解決而貂由於找不到食物而吃了當地的雀鳥！當人發現了問題之後，貂已經把當地獨有的鳥類物種滅絕了！這個並不是一個虛構的故事而是一件真真正正已發生了的一段地方歷史。 強國人澆以大義話釣魚島是中國的一部份老鬼認同但可以用此等理由去破壞小國製造的公物及他人的私人財物嗎？ 垃圾會選舉，其中一個刁民力量的參選人把自己的號碼貼到其他參選人的宣傳海報上誤導他人！ 我不屑蛇齋餅糉在最敏感的時候行蛇齋餅糭。 政客，信你一成雙目失明！ 這些就是他媽的民主自由，包括老鬼向 blog樹狗噏！呱~

文章日期：04/18/2012 10:52 pm 「盧海鵬試咪」的故事，但由於真實版本實在太粗魯，他只能以很婉轉的方法表達，但真實版本實在太到肉，令我心癢癢想告之真相，就等我試下講唔講到出黎。 拍戲要裝「無線咪」收音，安裝妥後就要試咪，通常一般試咪的方法是「testing 1234....」，然後問收音師 「得唔得呀？」，即是聽到嗎？ 請記得重點，係「得唔得？」 而盧海鵬的試咪方法不是說「testing..」，也不是說「試咪....」，他喜歡講一句粗口，就是一句問侯人家母親緊要部位的粗言，五個字，重點是繼續keep住佢押韻風格，大家齊用腦，「咪」字可以押到粗口字邊個音，有了「方向」沒有？ 「盧海鵬試咪，xxxx（方向）...」 基本上呢個押韻已經絕，但更絕是，佢仲要講完問「得唔得？」 「盧海鵬試咪，xxxx（方向）...喂！得唔得？」 個收音師點答好，答「得」就即係俾你抽媽媽水，答「唔得」，佢會繼續試 「盧海鵬試咪，xxxx（方向）...喂！得唔得？」 「盧海鵬試咪，xxxx（方向）...喂！得唔得？」 「盧海鵬試咪，xxxx（方向）...喂！得唔得？」 「盧海鵬試咪，xxxx（方向）...喂！得唔得？」 據聞之後有一個收音師想出了拆解的方法 「盧海鵬試咪，xxxx（方向）...喂！得唔得？」 「xxxx（方向）...得！支咪都得！」 但又據聞，盧海鵬會繼續關心地追問 「check清楚喎，試多次，xxxxx....喂！得唔得？」 註： 睇完忍唔住要 share 下 XD 原文出處： http://unklebeach.blogspot.com/2007/06/blog-post_17.html

老板：「做乜剪到個頭咁短？」 伙計：「短啲個頭容易打理麻。」 老板面有不悅之色 伙計：「......」《心諗：西裝頭又話扮賭神；金毛又話金毛；長又話長；短又話短，你玩 X 曬啦，家下係返工唔係返學，剪個乜頭我自有分寸？唔通要學你個 X 頭呀？你知唔知呢個老懂 forward 頭係幾咁天人合一，重幫我遮咗中間個頂既微禿部分，最勝係啲客個個都 like 嘛！戴生......(下刪三千字)》 老鬼想呢啲事情時常都會發生向打工一族身上，當然同樣事件都發生過向老鬼身上，作為老板忘記咗每個人都有自由意志；作為伙記既記得所有批評份人工已計算在內，最緊要係「化」呀！做人唔化就係實架啦，桀桀桀桀 後記：好似有肥師父七成功力，老鬼又要一個月只寫十五頁犒、過半退休生活，呱~

老賊：XXXXXX 小賊：XXXXXX 小賊：老賊，每次同你傾完偈心情都舒服好多，可能你係上帝派既天使.... 老賊：咁我咪係 bandit angel! 小賊：最重要係你同我都有一千種瘋狂！ 老賊：XXXXXXX 小賊：XXXXXXX 老賊：XXXXXXX 兩賊繼續瘋言瘋語....。 儍有兩種，一種真係腦神經元不正常或受損真係無得醫；另一種係透過人類處理事情方法包括扭曲；歸納；刪減做出一些一般人認為反常行為的事情大眾便會認為這類人儍，但其實兩者都係苦命人。 第一種天生既就好似有些人一出生便缺失了四肢咁！是我們一般人認為不幸的一群。 第二種是受到刺激又不能自己的一群，舉個常見例子，好些人失戀又要生又要死又要刀仔柑大脾、說另一方無良心，錯全在對方等等，咁實相又係咪只有一方面錯？自己個電話係13709394又點可以怪人呢？又舉一個較激進的例子，身邊人（可以是父母；兄弟姐妹；配偶；朋友或一個對當事人很有影嚮力的人）突然死亡都會做成一個重大傷害而引發失常行為；又或許一些對當事人來說是誘發刺激的事情發生都會出現心理問題；有時候甚至讀書或工作壓力也會引發問題。外人不容易明白他們的內心想法和對外界事物的反應方法，然而每一個反應背後都有某一個又或是多種因由！ 問題是用一個怎樣的態度去面對這些人才是一個問題？他們只是一些跳不出自己製造的框框內的人！

人生最重要的一個原素就是吃了，每個人都須要吃東西才能存活下去！ 有人吃得刁一點；有人吃得平淡一點；有人吃多點；有人吃小點；有人獨個兒吃；有人大伙兒吃。 吃除了飽肚滿足人最基本的須要之以外，如果不是一個人吃的話很自然便和飯腳出現人與人之間的交通，記得很多很多年之前老鬼和大人都是從吃飯開始，除了愛情之外，人與人之間既友誼都是從吃開始，你想一想同自己最老友的朋友和自己吃過多小次飯！？ 到了老鬼之年更珍惜和家人朋友食飯的機會，正如大人之前助千歲宴那些老人家所講食得一年得一年，今年呀乜乜同某某都來不了(只因走咗上咗天堂)！ 老鬼咁講並不是悲觀只是看得比別人多一點學會了珍惜！ 好似今日咁又同啲好同學飯聚咁，見得一次多一次，呱

契女送比老鬼的禮物： 38°五糧液之君臨天下！！！ 好簡單的一件事情，首先老鬼唔係好睇得起枝酒！之後得知枝酒貴貴地個心又幾高興，但最後又攪唔清楚枝酒係真係假個心又好忐忑！事情都是同一件事情就是契女送枝酒比自己咁簡單已經令老鬼内心翻騰不已，老鬼身附甚麼甚麼培訓師、甚麼甚麼治療師的虛名真係羞家！比啲物慾咁輕易咁就牽引咗自己的情緒，再者整件事情的焦點也錯了，老鬼在意的該是契女的孝心並不是一枝酒！點解咁講呢？就係因為老鬼隨口噏當秘笈，契女就買比老鬼啦，佢幾在意老鬼嘅每句說話，千其唔好比佢知老鬼有啲咁嘅思想响裡頭，否則必定傷心至死。物慾既野又點可能重得過啲情先得架！老鬼今次真係完全錯曬！！！ 也許有好些朋友都有這些相類似的經歷，聽到一些說話又或許看見一些事情往住也有機會曲解了事情的真正意思，好像有時候別人正面提點自己又認為別人處處針對不留情面；看事情又只是看到事情的一部份、其餘部份一是看不清就是漏了眼；聽到一些事情自己的過份敏感又以為別人對自己說三道四。尤其是我們這些都市人想像力太豐富了又不輕易相信別人，仿佛這個就是人的特質，無怪乎古代的智者賢人教導我們要日三省吾身了，自我覺察其實真的不是一件簡單容易的事情，有時候用手指責別人的時侯忘了自己有多小根指頭指向自己，最後有些人沒有發現；有些智者便會發現當手指向別人的同時至小有三根指頭指向自己、拇指指向地下，這正正是暗示了我們不要胡亂批判別人，在指責別人的同時該想一想自己有否反了同樣的錯誤！ 能夠懂得自我省察的人才能擁有一顆清明的心，有一顆清明的心才能觀到事情的實相，看到事物的實相便習得到智，習得到智便不輕易被世間事物所牽動，不被牽動便得大自在。明白到自己才是自己人生的主宰！ 慶幸的是老鬼的翻騰在五分鍾內已完成，看到了該看到的東西，不過唔知道在這件事情上重有無睇漏了眼呢！桀桀桀 ……. ，要用多幾多年才能夠完全明白「生命大能」呢！？ 後記：地獄不愧為地獄，總是道理多多，老鬼自己都頂唔住！呱 Liu at 12/09/2009 06:15 pm comment 咦! 功力似乎又有所增長喎! 恭喜恭喜!

當年的小鬼也曾經比個呀值咁話過自己，文又唔得武又唔得真係有啲羞家，但當年的小鬼也是一個有理想的少年人，雖然有些理想未能實現但有些經過一番努力也如願已嚐！ 粉條中三之後未能升學，嘗試過做車房結果做了半天在中午午飯時間逃工；又想過做髮型師因為看到朋友做洗頭工作至手爛便放棄了這個想法，之後一直呆在家中打機上網、食同瞓！過了三年呢種生活直到現在。點解咁呀？粉條回答：「辛苦囉、唔想做野，做野太辛苦啦！」老鬼在想佢父母咁本事可以養佢過世？如果呀爸呀媽早死過自己點算呢？跟佢地一齊走！？ 老鬼未睇完呢節節目已想用海虎爆破拳打破佢個頭，之不過有一件事老鬼很佩服粉條就係佢夠 pop 比電視台採訪佢又夠 pop 咁講！留意番粉條上鏡係以真面目視人架、無打格仔、聲音亦無經過處理架！堅唔堅！？相信有許多年青人好似粉條咁，人生無目標無理想、怕辛苦、希望可以不勞而獲！也許又有許多人唔識寫個「醜」字又或者唔記得個醜字點寫，不妨响處重溫一吓個「醜」字點寫點查：醜從酉字部首、十七劃，記得個醜字點寫就可以知醜啦！ 粉條事件簿相信只是冰山一角！這究竟是教育制度問題；教師問題；家長問題；朋輩問題；社會問題還是個人選擇問題？老鬼不知道！老鬼只知道等價交換呢條公式：一分耕耘一分收獲、今日所種便是明日的果。 讀唔讀得成書並不是一個問題，問題是每一個人也要為自己負責，年青，有許多時間可以浪費但又可以有多小個年頭？

有人便有事；有事便有非。 一個電話之後有感而發，俗語有云「曹操都有知心友；關公都有對頭人！」，又有曰：「來說是非者便是事非人。」 我們不可操控別人，言而我們 可以掌管 我地既 心 ，可惜許多人仍然不明白這個道理，歎息..... 無怪乎朋友時常對老鬼說你既道不易明白！ 後記： 海虎武神：「我既道義同愛你們可以明白嗎？同你講都係對牛彈琴......」 呀師父你又响處講乜呀！？真係唔明喎！

警告：以下內容也許令讀者噁心，不要因好奇而再看下去！ 故事主人翁有黑眼佬、儍強、嗅四同小雨，一九 XX 年某月某日大清早小雨向黑眼佬大叫：「嗅四個鼻不停咁流蚊飯，你快啲同佢入院 check check 乜事先！」 黑眼佬答好：「好，不過要等我一會先！」之後黑眼佬立即走去開車，一刻之後回來。 小雨：「你條友 …… ，等得你，人都死咗啦 ……. ！我叫咗儍強去睇佢啦 …. 」 黑眼佬：「我都係過去睇睇嗅四先 … 」 小雨：「多魚 …. 」 黑眼佬去到見到傻強剛開完車向傻強講：「剛開完車！？你番去先，等我陪嗅四去醫院得架啦 …… 」 儍強：「係呀，小雨叫我即嚟 …. 但我都同嗅四講要等我十分鐘先得 ….. 」 之後黑眼佬同傻強和嗅四講：「要知道開車都係好緊火家嘛，否則顧得開車定係送嗅四入院先！？」 之後儍強、嗅四、黑眼佬互視而笑 ………. 後記：福伯話除咗食，疴都係人生好重要的一環！正所謂食得疴得嘛！哈哈哈哈....

最近小鬼令大鬼認識咗一種動物，佢叫「草泥馬」！ 見 http://briian.com/?p=6138 ，睇完自己都忍唔住笑咗出嚟，又玩音律！？不過語言係很有趣的東西，正如劉家傑老師所講，語言是隨着時間改變，好像從前沒有「潮語」這個名詞但現在有了！ 今天老鬼除了知道草泥馬是來自馬勒戈壁之外，還有三種！不過最重要的是河蟹，可惜人最喜歡食河蟹，令草泥馬越來越多無處不在！ 後記：有個又天真又儍的姐姐同老鬼講草泥馬好 cute，老鬼又再次笑咗出嚟，然後老鬼以高音國語讀出草泥馬三字，佢立即以一枝北韓導彈回敬 小朋友千其唔好學騎草泥馬因為呢個動作係好危險架！切記

最近時常對著部人頭豬，用了許多時間！ 做些甚麼事情也不知道，後生叫「車男」而老鬼該叫「車佬」！ 又是反思的時候了，面對那麼多的書本未看，有時間要看書才對！ 不過有一本書一定要睇，就係「武神」！ 我係剎暗天！ 神經病又發作的老鬼 講開精神病，關於精神病的講座老鬼都出席過一些，很多精神科醫生用會用直接或暗示方式叫人食藥啦，食就好架啦，老鬼並不否定藥效，只是相信大部份患者和一般人一樣不大喜歡食藥！ 老鬼還是喜歡偶像 Milton H.Erickson 的處理方法！

首先睇吓李純恩的文章先： 老鬼又要講吓走地豬事件簿先：還是小鬼的時候常常被長輩說不是！甚麼一代不如一伐、不知所謂等等，當日的小鬼必然係心諗佢地叫佢地收啦.....！ 到長大了一點點又覺得幾有道理，尤其是老爸！老爸粗人一個，兩種三字經都很上口，小鬼當然只是學懂了講粗口那種，至於「人之初，性本善。性相近，習相遠，苟不教，性乃遷.............」呢種就無學到！老爸教了小鬼許多許多，只是當年的小鬼未有那一種智去領悟！ 記得今年農歷年到超市買賀禮聽到一些對話： 母親挑起一盒便宜的朱古力說：「就買這個。」 女好奇的問：「這個只有三件，買來幹麼？」 母答：「又不是自己食，買這個可以了。」 女：「......？」 老鬼聽完後驚啞不而，為何和小時候老爸老媽所教的有咁大出入？這個是甚麼道理？老鬼絕對可以接受因金錢問題而買便宜的東西、甚至不買也沒有關係，但教育出一個自私的傢伙便是一個問題了，把歪理變成真理！？買禮都無心不如不買了！若不喜歡拜年亦不必了！那不是更好嗎！？ 欠債還錢天公地道，有借有還上等之人。下等人要罰！那麼製造下等人的生產商也須要罰麼？ 老鬼真的越老越胡塗了.....................

天武：「五十萬年意識、十萬年的修為，你這算什麼終極的道理！？什麼絕對智慧！？」 海虎：「我沒道理！？去你媽的小子。我的智慧，我的道義和愛，你或世人可以明白嗎！？我說出來亦只會對牛彈琴。 …………….. 」 天武：「我不夠你說。我只知道直覺告訴我錯的的是海虎武神你。是你迫我反你的呀！！」 老絕： …………. 天武：「它 * ；最少可以令我把你這自我中心的傢伙打醒呀。」 ( 註 * 它是指八十五萬兆的力量 ) 海虎：「自我中心！？小子，你可不知道，自我中心根本就是終極強者的一種修為嗎！？已身為半個終極強者的你怎還不會明白？」 老絕： …………. 肥師父你玩曬啦，呢種對白都比你諗到，老絕真係吾夠你講！寫個「服」字比你，不過想深一層我們還是或多或小有這種意識存在，「呢 單野一定係你吾啱！」；我把口服個心都吾服；而實相係誰是誰非呢，老絕真的不太懂得。自我中心都係老絕嘅成名絕學之一，哈哈哈 ……

寫呢篇網誌有很大的壓力因為係人地嘅，要落筆再狂啲、野啲先有張力同爆炸力，再要發人深省、引發思考、明白是非！對老鬼來說真的一點也不容易。 話說大狂與毛強相約於茶皇廳說三道四，在其間毛強聽到鄰邊有兩個茶客對話，內容大概係咁： 茶客甲說：我有個朋友呀福同佢啲朋友有日在旺角擺檔叫人簽名支持反對酒後駕駛，咁啱又見到不守規矩議員同佢啲人又嚟擺檔就向左近，福同啲朋友咪好自然咁去不守現矩議員個檔口叫佢地簽名支持，反對酒後駕駛囉，不守規矩議員無出聲幫朋友福簽咗個名，福之後就搵到一位幫不守規矩議員手擺檔的同事/朋友/支持者，福就同佢講﹕請支持反對酒後駕駛，請簽個名呀﹗之後果位人兄就答福﹕「我支持酒後駕駛架，唔洗問我啦！」 福第一時間就覺得好奇怪並且想了解一下支持酒後駕駛的人的理據，咁就問下佢點解會支持酒後駕駛啦. 支持酒後駕駛理據大致上係： 職業私機一日揸車揸到黑，工時長，又無咩機會休息，好辛苦架. 坐係度揸車都坐到腰痛 (因為長時間坐係度工作)，一開工就做足十幾個鐘，飲酒可以輕鬆下，宜家最大問題係因為工時長，令到職業私機好辛苦，飲酒都無自由呀！？首先要立法定立最高工時先。 茶客乙：「可以咁既咩！好似個殺雞犯咁講，我殺隻雞（叫性工作者先啱）因為我興奮得製炸！我無心殺佢過喎。」 茶客甲又講：『之後福回應說：「我都好明白職業私機的苦況，日日做十幾個鐘真係好辛苦，但係都可以搵其他方法令自己輕鬆D. 飲左酒揸車萬一有意外，撞到邊個都唔好喎。」 支持酒後駕駛者回答：「最主要都係啲老闆要佢地做得咁辛苦，搞到佢地咁！呢啲意外起因都係啲老闆做成的！」』 茶客乙：「……………… ！」 茶客甲又引述朋友福說：「爛仔立法會議員承認，去年某月在香港仔隧道內超速 20公里 ，並兩度缺席法庭聆訊。他稱自己較性急，某年亦因違例駕駛而被扣3分，連同今年已共被扣6分。他又承認，10年前曾因違例駕駛而被罰停牌。 對於今次超速，爛仔立法會議員表示自己歸心似箭，故「踩大小小油門」。他強調從來沒有說過自己是駕駛榜樣，又支持增加違例駕駛的罰則。至於會否辭去立法會交通事務委員會職位，他表示要由委員會成員決定。」 茶客乙：「………… ，呢個乜X地界，咁多人痴X線！」 毛強聽完之後同大狂講：「我同你講，我同你係好 X 正常架！」 後記：以上文章係真係痴痴地！不過也給我們許多的啟廸，知道甚麼叫性相近習相宜、乜叫偽、乜叫...

農歷新年相信無乜小朋友吾鍾意，無他既有利是嘛！記得還有小鬼的時候不知幾咁歡喜；到自己派又吾同講法，記得第一次派真係骨都赤赤痛，好在派吓派吓習慣咗又幾高興喎！用錢吾多又可以令到大家開開心心，何樂不為呢？學老友話事偈有能力派派大封啲添！好似交税咁，都係一個傳统責任嚟家嘛，搵得多咪交得多，想深一層有能力派總好過無能力派，再者派得多表示自己搵得到、輩份高、朋友多！ 早幾日睇電視令老鬼想起一些舊事，話說某年的農歷新年有人同老鬼講恭喜發財叫老鬼派利是，呢個行為好正常同恰當，係咪先！？不過呢位人兄結咗婚過喎！結咗婚都可以收利是架假如老鬼係長輩，咁都合埋喎！最攪鬼係叫老鬼派利是比佢隻狗！老鬼同佢講叫你隻狗同老鬼拜個年先，佢識同老鬼講恭喜發財老鬼一定派！如果呢個做法恰當咁老鬼果八絛魚都應該有利是收，老鬼好錫啲魚架，當佢地係仔咁架、成日同佢吔傾計架！ 養竉物、鍚竉物，老鬼吾反對而且認為養寵物真係要好有愛心，不過吾該分番開人係人；竉物係竉物！相信啲竉物有病，個主人吾會帶佢去睇醫人既醫生吓話，你食乜佢食乜好似好吾恰當喎，咪比朱古力啲狗食添喎，佢必疴！重有啲地方係人坐嘅請比番人坐；食野吾好你一口佢一口；打車輪請搵番個人！如果吾係，老鬼真係分吾清呢位究竟係人定係狗啦！？ 後記：主人出番場點都要爆一爆賀一賀佢，請留意不日上載的道聽塗說，呱 ~ Liu at 02/09/2009 08:37 pm comment 好耐無見你寫啦 唐絕世 at 02/09/2009 11:37 pm reply 姑娘，你講既係大鯊武神定係老鬼呀？ Eddie at 02/09/2009 04:26 pm comment 你自己寫既我點都比飛你回應下架！ 唐絕世 at 02/09/2009 11:40 pm reply 嘿，無2G！要力圖單挑永世無敵既第一武神！

不知道是生性還是後天自我培訓，老鬼的自大和狂莽越來越嚴重了！雖然未及永世無敵的邪惡武男但跟老祖宗也差不多了。 「呢啲野我全部都知，晨早吾講啦！」係一位擁有天眼的強者教老鬼的事情，但佢今日竟然問老鬼知吾知XX同咱們有甚麼不同、點解佢有啲成就，老鬼正經答佢個腦醒啲.... ( 老鬼呢位朋友個腦真係幾醒架，思路比起老鬼清晰、重識啲逆向思維 ) ，誰不知佢話錯！佢話因朋友人脈關係好！老鬼登時跌低，呢位師兄，呢樣知咗好耐啦，真係晨早吾講啦！最挍鬼係佢話比老鬼知佢最近先知，好似發現新大陸咁！ 老鬼一早同人講，人脈就係別人無法奪取的本錢！人脈關係越好；做事越得心應手！吾怕醜咁同大家講，老鬼幾十歲人只找過兩次工，所有不同工種都係多得各方好友介紹。可能有些人會覺得靠關係沒有真本領，然而老鬼實實在在的告訴大家打好關係也是一種本領！哈哈哈哈..... 憎人富貴厭人窮、憤世嫉俗只會令人走上失敗的道路！ 扮李宗吾老師！？呱~ Eddie at 01/17/2009 10:17 pm comment OMNT 唐絕世 at 01/17/2009 11:48 pm reply OMNT 你倆條瞀里講乜？點解無人明嘅！呱~

採購員：收吾收到我公司封信？ 營業員：乜信？ 採：公司聖誕拷腳骨果封？ 營：真係無喎？ 採：今年你公司比乜野我？ 營：你公司同我公司做幾錢生意？ 採：吾好咁啦！......... 營：比你算過，我公司可以賺到你公司錢？ 採：比啲野來交吓搓啦........ 營：你係咪想我比啲終極悔辱你先！？ 採：...................... 採：我地係大X公司，係七海皇集團嘅屬下公司，係上市大公司嚟嫁，宜家想同你公司......... 營：我地都係大公司嚟傢，都係上市公司！有乜可以幫忙......... 採：.............. 採：我要三份xxx 營：吾好意思，請問你知吾知甚麼叫批發！ 採：我都係要三份xxx 營：對吾住，單都開吾到。 採：我自取 營：咁係無可能嫁 採：..................... 後記：營業員今時今日咁嘅行為吾知恰吾恰當呢 Liu at 12/27/2008 02:15 pm comment 唔關營業員事, 係採購員x啫

時下青少年普遍地較現實、不談理想，調查顯示青少年有過半數贊同 "人生苦短，不管怎樣都要享受下" ，"職業就是為了賺錢"，"講理想不切實際"，這種態度上傾向了享樂主意 (有乜吾啱先？)，事實上夾雜了一種 "無能感"。與此同時現象反映出青少年的 "理想真空" (呢句似啲，不過甚麼才是自己的理想？)。 當人生缺乏了高層次的理想時 (即係乜先？) ，物質享受及官能剌激成了彌補這空檔的代替品！只是物質和感官的享受並不能滿足人更深層的精神需要 (註：可以參考 Maslow馬斯洛, 1970 提出的 hierarchy of needs需求階層)。 青少年對學業和擇業這兩大重要課題也往往只看重市場價值和經濟收益，而忽略了個人的興趣、理想和工作的投入感。此外 "理想真空" 和 "精神真空 " 有密切的關係 ，青少年相信 "人不為己天誅地滅" 之際，"利己" 便自然成了他們唯一的人生目標 ，因此，任何與個人利益有衝突的情況出現時，整個人生都會動搖，導致各種危機 ( 原來如此)。 當青少年缺乏長遠人生目標和理想時，無心向學是十分自然的事情，極端者，往往輕率輟學！ 問題是誰可以灌輸一些正確的理想和目標給青少年，是家長，學校，朋輩，傳媒？而青少年又可否用其悟性找到自己的理想和目標 ？ aroma at 12/11/2008 03:43 pm comment 我有理想架 唐絕世 at 12/11/2008 09:42 pm reply 老鬼知，老鬼亦很欣賞你對理想的熱誠，深信你將來定可以成為一個世界知名的音樂人 璿璿 at 12/11/2008 02:55 pm comment 我有理想，可惜不懂得怎樣教他們，有時覺得無奈。 唐絕世 at 12/11/2008 10:15 pm reply 汝不宜妄 自 菲 薄 ！相信活到這一刻，你已克復了許多大大小小的因難，與其言教不如身教，你想他們成為一個怎樣的人必先陶造一個怎樣自已！記得小鬼得到當年的英文老師讚賞，老鬼的英文也尚可，佢話小鬼有 sense of humor  雖然老師不知道...