肇慶行

又跟啲村團去玩，今次去肇慶。村團無乜好，最好就是屋企樓下上車，回程也是一車車到老鬼番屋企。

走馬看花，真的體味不到甚麼，然而每個地方也總有值得到一到的地方！OYC 酒店，幸好已聽過表姨的評價，否則必失望至死！甚麼甚麼級，一入到酒店竟然有陣味！？最開心係房有幾部電視，洗手間都有兩部，正！

何解地下男廁有兩條象魚？

女廁就有缸呢啲魚？(註：呢張係大人拍架，老鬼無好似啲歐巴桑咁衝曬入男廁睇魚，實在老鬼都想入女廁見識吓，不過一想到後果係幾咁嚴俊只好打消呢個念頭)

燒炮仗好耐無見囉，呢寸野五舊人仔！？

走地雞、走地鴨

七星岩、鼎湖，呢度要去，真係幾靚架！老鬼拍得唔靚炸。

大陸最可惜係無好好咁保養啲地方！呢種屋仔有好多間，可惜無乜邊間好似呢間咁完整！下面呢幅天花畫再遲啲就乜都見唔到架啦！真係可惜...

鯉魚上水!!!

呢度要講吓故仔，啲魚比人教育到識衝上岸食魚糧，但係老鬼認為好唔人道，比野食咪比野食囉，為乜要掉得咁衰先！？游唔到番落水咁點呢？真係有條落唔番水，好彩有善心人積。

呢度都要介紹下，係咪全城最好食老鬼唔知但真係要買番啲响香港食！

最傳統就 ok 架啦，六蚊人仔有隻，真係唔同食味架，有冬葉香架，好食！
唔洗又話糖又鼓油，又呢又囉！一句好食。
還有原來粽係咁食架！？米、豆、肥肉攪作一團咁食架？真係唔講唔知！

最後要介紹吓文房四寶之中嘅端硯，係好強架，用就真係無乜人用架啦，買來送禮多！搞到老鬼心思思想學人寫吓毛筆字添，不過六師弟最小要練番十年八年啲字先見得人。

後記：原來朱咪咪演唱會咁好睇架，回程幾粒鐘車無乜人瞓喎，個個都响旅遊巴睇朱咪咪演唱會2008！不過又真係幾好睇。

後後記：屋企點解多咗隻朱咪咪演唱會2008 既 VCD 架？VCD 要成舊水？？？