蘋果毒；毒蘋果

第一次被蘋果毒的一代經典，nano一代，click wheel 係一個超方便的設計，重加上有個咁醒既外形，就係咁就中咗第一次毒！但個人而言個軟體 itune就真係一千個唔鐘意，因為佢太毒：自己格式其他電子零件係用唔到架...！

之後，iphone 強到呢！老鬼都心動過架但老鬼都叫做半個IT人，無理由比咁多錢買高科技電子零件架！？高科技電子零件，一、追唔到、跌價快；二、內置電池係其中一條死罪；三、好多野都係獨家村；四、拿著啲咁貴既野有乜"依郁"，心痛到死.....，老鬼想或許有些朋友會有好似老鬼呢種想法而無買 iphone！到 iphone 4簡直係魔鬼的誘感！早前上 apple store 買重可以轉售賺錢錢，老鬼好些朋友都唔知賺了多小，老鬼自問無啲咁既膽色炒貨，現在仍有很多朋友訂咗貨未返，老鬼要同佢地講聲"祝君好運"。

中毒事件：

 ipod touch，之前不停咁比啲同事引誘，啲同事買咗上一代，老鬼已經認為佢係玩樂之神！聽歌睇戲、記事、上網、電子書、還有最毒的遊戲！唔好話小朋友，成年人都比佢毒死！就係咁就死咗向 ipod touch 4手上！ 由於一種情意結，老鬼除了跌咗錢比蘋果亦跌了US$9.99比 CAPCOM (一間電子遊戲公司名)，啲錢真係比蘋果賺曬！要學 XD，繼續打街霸 IV 先，Hadoken, Shoryuken, Tatsumaki Senpuukyaku.....呱



後記：玩咗一星期之後跌咗！有種想死既感覺！無得再 Hadoken, Shoryuken, Tatsumaki Senpuukyaku.....，$$$身外物但係真係骨都痛！療傷蟲快啲出來幫老鬼療傷呀......
逆向思維療傷法：1/幸好老鬼無買 iphone 4！否則必然痛死；2/好在是 ipod touch 4而唔係電話又唔係銀包；3/身外物，人在比$$可以再買； 4/呢個教訓可以叫自己日後做野小心啲....呱


後後記：唔知關唔關自己讀過啲古靈精怪既學問既關係又或者人年紀大咗睇開咗，比著從前發生呢啲事，自己一定癲咗！雖然家吓都有啲心痛，但至小重識寫blog重識自我安慰都叫做進步咗lu 哈哈哈哈(實在係物極必反！個人傷心到儍咗)