渣打馬拉松又關我事

文章日期：02/24/2013 10:37 pm

今日係元宵節亦都係一年一度既馬拉松，實在兩者都唔關老鬼事但今年有啲唔同咗因為朋友仔一早已book定老鬼做工作人員。

呢件工作對於老鬼嚟講有兩大挑戰：一、無覺瞓對老人家嚟講係好傷身既；二、係老鬼既生活習慣天天早上咁上下時間要做大事，但朋友二字真係值千金，老友開到口，蝦餃就蝦餃燒賣就燒賣啦！

前一日23號同朋友仔食完個晚飯之後就已經去咗佢屋企因為車站就向佢屋企附近，再者老鬼一絛友真係唔敢肯定自己起到身所以去咗朋友仔樹穩陣的。

是日睇完劉華之後瞓一瞓1:30am 起身！2:15am 到

起點醫療輔助隊總部 (AMS) 接人，原來老鬼係其中一個車長負責接AMS到幾個站點同接啲跑唔郁既運動員，最後要清場，法定時間一到煩上車，馬路要解封。

全世界去荔枝角攞物資包括工作人員既早餐，依然未瞓醒！

到咗第一個落腳點，個天都未光，頂唔順啦！好在呢個時候可以合一合

天光啦，第一批出發既健兒跑到嚟lu

是日坐駕

點解咁多豆漿架？原來全部都係松節油嚟架

龜速潛行睇吓有無人頂唔緊先，運動員大多數都係死頂唔上車因為一上車就比人打個交义取消資格。

呢張相唔係咁清但都可以見到一位白衫既人仕只有一隻腳健全而另一隻腳係義支嚟架，而且佢重係跑全馬架，向樹同佢致敬

有人話呢件風褸好值錢過喎！

個牌好靚呀


後記：一樣米養百樣人，真係乜人都有

1/ 司機叔叔好多野講又唔聽人講，揸車都夠膽死擰轉頭同我地啲工作人員講野！

2/ 向途中聽到有兩位參賽人仕情況危殆，其實各人的身體狀況自己最清楚，真係唔好死頂！

3/ 法定時間到就要上車，上車就唔該守下規則，就係有啲人呱呱叫話乜要上車，又有人睇唔過眼同呢啲人嘈，又挍到警察！

4/ 架車係就係有小小意外但使唔使咁驚呢！？


至於老鬼又多一個好有趣的體驗