他媽的民主自由

文章日期：09/19/2012 12:28 am

連續寫咗兩篇關於政治既 blog！自己都覺得討厭但有時候真的不吐不快，"他媽的民主自由"並不是老鬼創做出來的名詞，慾想了解請看溫日良舊作海虎。

垃圾會選舉完了，有些選到有些選唔到，當中各有原因，但有些人也選到而且得高票真的令人廢解，好似扮哲古華拉先生咁，好似好有學識有道理咁為香島人做過啲乜事？呢個人兄成日開會攪事比人驅逐出議事廳，大家唔好以為佢好有"TNIOP"呀，實在佢係約咗老婆食飯所以一定要被驅逐了，否則就要開完個會先走得。呢件惡行原來遠到第二個選區既選民都知！當然呢件只係其中一件小惡行，話說扮哲古華拉先生未做垃圾會人員之前死好命咁有間公家屋，即係好多人想申請等咗七年都無聲氣，好多香島人夢寐以求既屋仔，好啦，扮哲古華拉先生今非昔比，月入N萬係咪好應該交番間公家屋出嚟比真正有須要人仕，但呢位先生一於小理重發老爛死都唔肯交番間屋出嚟，話自己咪交緊雙倍租金囉、今次選到咁下次選唔到咁點呀等的賴皮說話！老鬼有個朋友仔同扮哲古華拉差不多 case，佢入息同資產都多咗小小，佢都交雙倍租但佢面臨被踢走，唔知可唔可以去請教下扮哲古華拉先生教下老鬼呢位朋友可以點賴皮而唔洗搬呢！？
又有無經驗既低B先生因為激進又選到入局喎，啲古人教睇人話你唔須要識呢個人你只要睇佢身邊既係乜朋友就可以知呢個人係啲乜人，低B老友高B在選舉前將低B個號碼周圍咁貼向其他參選人既宣傳海報上面誤導觀眾、拍檔呀醜女就玩人身攻擊有佢講無人講，真係同佢大佬呀教授一樣鐵齒銅牙，不過可惜歪理多道理小！入咗局重大言不慚話玩屎蜢，黑社會收數！？

有啲咁既人類都入得，唔怪得比人改咗個朵做垃圾局啦！真係火火地老鬼都學心地黑啲面皮厚啲走入去選下垃圾員，一個唔覺意選中，個個月袋十幾雞未計其他津貼都咪話唔爽。

型仔 at 09/27/2012 07:33 pm comment

好同意，選晒D唔係做野嘅人！生氣！