生和死

文章日期：09/19/2011 11:31 pm

人眞係有好多慾望，無論係人或者係一件物件就算到死果日都唔捨得放手！

星期六同大人食晚飯之際收到兩個死訊，一個係我地既『哥是的王子』：曾sir (佢絕對係香港人既集體回憶之一，年紀大自然機器壞，八十有六的曾 sir 離去雖然傷感但也是一件自然的事情)；另一個係同學 S！

同學 S 是位年輕有為 (註： S 比老鬼年輕許多) 的建築工程師，早年獨個遠走異鄉工作。異鄉名字叫科威特！對於老鬼來說一個港人遠走他方是一件很普通的事情但好似同學 S 咁走咗去阿拉伯世界就有點匪夷所思！吃驚既係忽然傳來他的死訊，客死異鄉的悽愴....！

死訊來自同學 A 的電話，她劈頭的第一句便是 S 死了！說句老實話老鬼與同學 S 並不熟稔只能說是相識一場，知道同學 A 與同學 S 份屬好友，老鬼反而擔心同學 A 多一些！人死如燈滅，死人從來不會苦惱與傷感，最難過還是生人，同學 S 的家人、親戚、朋友、同事仍然要生活下去、面對不同情度的傷痛，關係越是親密越是痛楚....!

有時候也不得不到老鬼不信命！記得老鬼仍是小鬼的時候，畢業不久碰見了一位舊同學，他第一句問當時的小鬼：『你知唔知同學 J 死咗？.....』當時的小鬼知道同學 J 身體係差小小但點都唔似咁短命！廿歲都未夠咁就走咗.......！？還記得既係同同學 J 大伙兒逃學去玩的點點滴滴....！

早振子同事 V 又得了癌症，直到現在仍未知進展如何！同事 V 正值盛年、一家三口樂也遊遊，佢可以講係全公司最健康果個，唔煙唔酒無粗口、小肉多菜有運動，可惜仍避不了病魔。

真係 "閻王要你三更死，誰敢留你到五更" ，有些事情好似整定咁，是福不是禍；是禍躲不過。有時候有些人有些事物即使我們是多麽的不願不想放手但最終也不得不放手。