老鬼日記一

近日發現有不認識我的朋友會看我的日誌！自己又開始八八卦卦咁睇番人地嘅網誌，發現完來網上有好多不同的強者存在！有好有愛心嘅媽咪、有音樂高手、有釣魚高手、有心理學家、重真係有食神架等等。
我呢種極度自我〔根據後置程式與行為取向(Meta Program)係屬於內向型(Introvert)〕，即是偏向自我內在意念多於外在人和事等於不理他人感受！應該要好好向不同的强者學習下先得，我最鐘意話人膚淺可能最膚淺嗰個係自己，以為自己有一千種瘋狂就真係最瘋狂！人地可能有一億種瘋狂，天風老弟聽老一輩強者話，揾個地方修練下先啦，對不對呀四姑娘？

好細個就好老鬼，最想學就係太極同二胡，二胡未開始學，太極就跟大人學，學咗楊家二十八式學咗一星期都係識兩式，不過真係幾好玩。我呢啲老鬼心態點來的呢!?