達魔經之人品好

相信許多人有聽過這句說話：「牌品吾好，人品吾好」，經過老鬼長期觀察及體會，牌品吾好的人人品真係麻麻地！其實賭品吾好同酒品吾好的人都要小心一點，尤其是當他/她是你的男/女朋友的時候。

先講吓牌品先，如要看看他的真面目，最好就係約佢番屋企叫佢同啲老人家打吓牌先，最好係事先同啲老人家約定誅吓佢牌、用口技也可以，睇吓佢有無發皮四同用番口術反激，之後又有無發老難話吾打？一次就試到佢！如果佢真係有以上反應，自己就要計一計數，因為真係吾係兩個人嘅事，孝敬老人家同忍都吾識就吾好幻想呢個人一定會對你好！

再講吓酒品，去邊處都無所謂，最重要係約一班人，男嘅就約班靚仔；女嘅就約班靚女姐妹，叫啲靚人電電佢睇佢有無飄，睇佢有無眼同乘機揪水之餘再睇佢有無追酒飲，見佢 high high 哋再問呢問 (記得自己吾好飲，女仔着數啲，識飲都扮吾識飲，切記)，呢個時候佢一定有問必答，不過又吾好信到足因為酒醉都有三分醒，最重要係睇吓佢有無自製能力！一個無乜自製能力嘅人自己又諗一諗信吾信得過啦？

註 ：呢兩招只能作參考之用！


後記：飲酒果招係朋友教嘅，老鬼必死在第二招手上；第一招就完全發揮吾到作用因為老鬼係吾識打牌架！桀桀桀...........