感恩飯聚

酒樓食飯感乜恩丫，但原來行得走得食得瞓得都應該感恩因為無病無痛；加上友人相聚證明自己有朋友更加要感恩啦，^^

琴日六月之星生日飯重得知朋友下個月結婚啦，梗要賀一賀啦。

一早收到風海港有蟹食，價錢又無敵，咁要試啦，訂張十六人大枱留番兩隻蟹先 XD

咁睇唔覺大嘅

學下老師放部電話上去就知比例啦 (e部電話唔係老鬼既XD)，一隻八斤半一隻七斤架！

一人拿起一隻腳，個畫面好震撼呀，不知幾多人望我地個兩隻蟹望到眼定定，真係有啲走過繁華大地既感覺。

皇牌燒鵝要食一食，其他無數小菜唔影啦，幣家伙，朋友仔咁有心既手造曲奇無影低添，好在佢送咗細細盒比大人食

補番張曲奇相先，精唔精緻呢?^^  

汽泡隔離呢枝好得人驚喎！

汽泡加白

紅色出場

硬野出場

全家福

六月之星切蛋糕^^

十四個大人咁樣食都係三百幾蚊一位，重有兩枝酒同生日蛋糕係大家夾錢既，當然其他酒就係自己隨心帶嚟架啦，咁又真係幾抵食。又一個開開心心既聚會，大家食蟹食到不知幾過癮，有朋友仔重話呢餐係本年度十大難忘晚飯之一，都係果句：最緊要係大家開心^^