HEA 遊西貢半天

自去年後大人又搞夜釣墨魚，除咗啲屋邨街坊之外，今次重叫埋兩個家姐一齊去玩下。

約咗細家姐早啲入西貢行一行先，西貢比人感覺真係好遊閒，等我都學人遊下先^^

松記車麵，實在車麵在老鬼重係小鬼既時候真係無乜特別，雞公碗更加係一啲都唔特別，不過今時今日做車麵重有咁大間舖就真係一啲都唔簡單！

個賣相唔錯，食落都唔差^^
食飽周圍行，見到：

鄉下仔入去八卦下先，有得試食，食食食食食
蝴蝶酥要買

自己食唔洗咁靚包裝啦！隔離罐又係乜傢伙？

原粒曲奇餅！無錯真係原粒曲奇，售貨員妹妹可能見老鬼唔係溫吉先生比咗一粒老鬼試食，妹妹同老鬼講要成粒拍落口先試得真，拍完又要買買買買買，鄉下仔第一次食啲咁有趣既曲奇，而且好多款實在都好好食，咁無辦法唔跌錢啦，本地創作要支持。

聽到"藍色多瑙河"又食，食既唔係味度而係一種回憶！

重未夠鐘開船咁唯有向碼頭影下其他船先啦

點解隻船唔同咗既，船家油過油成隻船好似新既一樣，比去年再靚仔啲^^

呢張相幾好 feel 呀，睇下個月靚又圓

獨樂樂不如眾樂樂

飲下酒幾開心

人生有乜求丫，最緊要係要活得開開心心^^